Lombard se vertelstyl is op die man af en sonder onnodige omhaal van woorde in die tipiese styl van die bonatuurlike riller. Die verhaal is in die mitologie en plaaslike legendes en rituele geanker. Die handelingspatroon verloop glad en die spanning styg vinnig en word deurgaans volgehou. Die inhoudsopgawe voor in die boek gee die leser ʼn idee van die verhaalverloop deurdat verskillende dele van die boek duidelik benoem word en die verhaal sodoende in episodes verdeel word.
Die hoofkarakters word redelik lewensgerou uitgebeeld, hoewel, soos gebruiklik in dié tipe verhale, met cliché-elemente. Sandra Venter, die hoofkarakter, is aanvanklik die tipiese dokter, maar haar ingesteldheid verander spoedig sodanig dat sy dikwels toegee aan ʼn sesde sintuig.
Die ruimte waarin gruwelverhale afspeel, is dikwels afgeleë plekke in donker ruimtes – hier is dit die dorpie Kraaineshoogte wat diep in die berge naby Riversdal geleë is midde-in ʼn donker woud.
Ek kon hierdie boek nie neersit nie en het byna deurnag gelees tot op die einde. As spanningsverhale met ʼn bonatuurlike element jou ding is, moet asseblief nie Die oeroue misloop nie.
© Marlies Taljard
Titel: Die oeroue
Outeur: Etienne Lombard
Uitgewer: Naledi, 2025.
Reviews
There are no reviews yet.