Kom skryf saam. Waar die tradisionele kortverhaal 1 000 tot 7 500 woorde lank is en ruimte laat vir meer karakters en gepaardgaande karakterontwikkeling, intrige en ontknoping, fokus die kortkortverhaal, of blitsfiksie, op slegs ’n enkel idee of oomblik. En dit vereis presisie aan die kant van die skrywer.
Die bekendste blitsfiksie bestaan uit slegs ses woorde: “For Sale: Baby shoes, never worn” deur Ernest Hemingway.
Van tyd tot tyd hou Die Boekboetiek blitsfiksiekompetisies. Let asseblief op die reëls en spertye – en stuur jou kortstorie in. Alle blitsfiksie is onderhewig aan keuring.
Spaartyd Elke naweek is die weduwee geregtig op 20 minute gratis lugtyd, sê die selfoonkontrak. Die hele week wag sy op haar spaartyd. En sy bel onverpoos, maar die kinders breek naweke weg, hulle antwoord nie. Die weduwee stap vir die soveelste maal buitentoe vir goeie ontvangs. Hoflik begroet die stempos-vrou haar. Dan bel sy ’n vriendin, Anna. Dié kyk hoe die weduwee se nommer oor haar streelpaneel flits,
