Gebaseer op die joernalis, Daniëlla van Heerden se gewilde podsending, ’n Ma & ’n Mikrofoon (met meer as 100 episodes as inspirasie) is ‘n keur van dié gesprekke nou verwerk in geskrewe vorm: eerlik, inspirerend en eg Suid-Afrikaans.
In hierdie prikkelende bundel word ouerskap in al die verskillende fases gevier en bespreek: die onsekerheid van ‘n eerste swangerskap tot die opwinding en chaos van ‘n pienkvoet in die huis; die uitdagings van die tienerjare, tot die heimwee van ‘n leë nes… Selfs vir lesers wat nie kinders het nie (soos die uwe), is die bundel ‘n verrykende en genietlike ervaring.
Jy gaan lees van uiteenlopende, dog bekende ma’s (soos die aktrises Simoné Pretorius en Lindie Strydom, en die politikus en ystervrou, Helen Zille), maar ook leer by minder bekende, maar ewe merkwaardige vroue.
Hulle sluit in Tina van Deventer (‘n ma van twaalf kinders!), Tarryn Bell (wat sterwende kinders versorg) en Shani Little (‘n ma wat geweier het dat blindheid of borskanker haar stuit.)
Dié bundel is die ideale geskenk vir Moedersdag, ‘n ooievaarstee of vir enige vriendin en ma wat soms net moet onthou hulle is nie alleen in die uitdagings wat ma-wees aan hulle stel nie.
© Nini Bennett-Moll
Titel: Die hart van ‘n ma
Outeur: Daniëlla van Heerden
Uitgewer: Naledi, 2026
Reviews
There are no reviews yet.